乂 نافذه للقلب ..!

[الأول]

هذا الشهر هلّ وتباشيره إحسان
........... الله يزيدك فيه , قرب ومحبه

جيتك ببارك لك وأبادلك الأشجان
........... وأعطيك قلبي في يدينك .. وخبّه

غالي كثر مايجمع الصوم خلاّن
........... وكثر إرتباط الساجد بعفو ربّه

وكثر الحنين لشوفتك بعض الأحيان
........... لاصار صدري ضايق وإنت طبّه ..!

[الأول]

ما تتصل إلا عقب وقت الإمساك
_______ كذا لعانه .. تدري بٌِـ وقت نومي

أقول بسكْر وهي تقول : مـ أقساك
_______ يا لعنبو غيرك نبي نصوم ..( صومي ) !

[الأول]

إنتي على موضه وكلّك cool
_________ وأنا ولد لابه .. وراسي حيّ

لا طحت في حبّك من المسؤول
_________ إللي يرجع مافقدته.. ليّ ؟

لا تمنعين الحب عرض وطول
_________الحب في ليل المآسي ضيّ

حبيت أوضح لك هنا وأقـول
_________ ( أحبك أكثر شي وأقوى شي )

[الأول]

حصلت على رابط من إحدى الأخوات المقربات جداً
عباره عن مدونه نُقل فيها أو أقُتبس أغلب ماكتبت هنا
أو في منتديات أخرى , وهذا بلا شك أسعدني كثيراً




شكراً على المتابعه يا عَ ـبثْ .. !

[الأول]

عزيزي الزائر .. إفرح و أنت تقراني
________ وتقبل الشكر .. من قلبي و بـ لساني ..!

إشعر بـ حزني ولا إتضّيق معي صدرك
________ أحزاني أنا اللي أتحمل .. عنا أحزاني

ما أجبرك تحزن معي و تحس بـ إحساسي
________ ما أنت بـ صديقي ولا أنت بـ ثاني أخواني

زائر .. مروره يشرفني و يسعدني
________ يقراني شوي .. بس شوي ينساني ..!