مشكله في تفعيل خدمه بلاك بيري ( stc )

[سوووماااا]

السلام عليكم ورحمة الله وبركاتو

كيف الحال يا منتدى بلاك بيري العرب

عندي بلاك بيري 8520 ومشكلتي طلبت تفعيل الخدمه من stc وارسلو ليا ( تم استلام طلبك لتفعيل خدمة بلاك بيري وسيتم ابلاغك قريباً مع الشكر )

وانا دحين ليا اليوم التاااني وانا مستنيه تتفعل الخدمه وما جاني اي شي

والغريب انو موجود فوق على الطرف edge واللي فهمتو من صديقاتي انو ماتجي دي الكلمه الا ادا كانت الخدمه انفصلت ( كيف يفصلوها وهيا اصلا ما اتفعلت الخدمه ) ورصيدي زي ما هوا ماسحبو منو شي .

وبعدين جربت افعل الخدمه بطريقه تاانيه انو ارسل الرمز 8811 الى الرقم 902
وارسلو ليا ( تم استلام طلبك لتفعيل خدمة بلاك بيري وسيتم ابلاغك قريباً مع الشكر )
وتواني جات رساله من ( الجوال ) تقول ..( عفواً الخدمه المطلوبه تعمل لديك مسبقاً stc )

ايوا كمان نسيت اقول انو طول الوقت تكون الكلمه دي موجوده edge وفجاءه تنقلب وتسير gprs بس تواني ما تطول وترجع الى الكلمه edge .

وبعدين اتصلت على 902 ابغى استفسر اتسغربت انو قالو ليا لسماع معلومات عن الخدمه اضغط الرقم 1 ولإيقاف الخدمه اضغط الرقم 2

يعني الخدمه ( مفعله ) طيب ليش ماسحبو من الرصيد وليش ما ارسلو ليا تم تفعيل الخدمه وليش كاتبين edge

كونت متحمسه واتحطمت مرررره ورحت اتصلت على 902 وسويت ايقاف الخدمه على اساس اعيدها من جديد
ورسلو ليا ( تم استلام طلبك لإيقاف الخدمه وسيتم ابلاغك قريباً مع الشكر ) وبرضو ما جااني شي

انا جديده على البلاك بيري ومو فاهمه ولا شي

وابغى افعل خدمة بلاك بيري

ايش اسوي

وربي علو قلبي stc

وراح شاااكره جداً للمساعده

سوووماااا

[بومتــ ع ــب]

وعليكم السلام ورحمه الله وبركاته

اختي

جربي خشي المسن لايف

اذا عندك هذي الحرووووف edge كابيتل يعني الخدمه شغاله 100%

او اذا حصلتي علامة بلاك بيري في اعلى الشاشه

[سوووماااا]

ابو متعب ماعندي ماسنجر لايف واللي اعرفو

مايمديني احمل ماسنجر لايف الا ادا اتفعلت الخدمه

والكلمه بسمول كدا ( edge ) ..

مو عاارفه ايش اسوي ولا فااهمه شي اصلاً

وابغى الخدمه

يعطيك العااافيه ابو متعب ماقصرت ..

[ايموووش]

اختي خطوات تفعيل الخدمه في البلاك بيري stc
انتبهي اول شيء تأكدي اذا اخذوا منك رصيد ولا لا
اذا ماخذوووا منك رصيد
ارسلي
8817 لـ 902
علشان تلغين الخدمه
واذا جت لك رساله بالغاء الخدمه
ارسلي 8811 لـ902
وبيجي لك انووو تفعلت الخدمه وكذا ولو تشوفين *166# بتلقينهم اخذوا الـ 99 على طول
بعدين ماعليك الا انك تقفلين الجوال وتشلين البطاريه لمده 5دقايق
وترجعينها وبتلقين الحروف صارت كيبتل
واذا مارضت تتفعل مالك الا انك تروحين لأقرب فرعstc لان لو تدقيين على 902 وتكلمين الموظف كالعاده ماراح يردوون عليك

[سوووماااا]

ايموووش هوما مااخدو مني رصيد وانا دحين سويت اللي قلتي عليه

ارسلت 8817 الى 902 وارسلو ليا ( تم استلام طلبك وسيتم ابلاغك قريباً )

تواني وجات رساله من ( الجوال ) تقول .. (عفواً يوجد لديك طلب خدمه سابق لم يتم اغلاقه نرجو الانتظار )

لانو انا طلبت ايقاف الخدمه على اساس اعيدها من جديد بس دا الكلام من امس .. والى الان ماارسلو ليا شي :@

ان شاء الله على كلامك تزبط معايا وراح اسوي كل اللي قلتيه .

تسسسسسسسلمين .. ايموووش .. الله يعطيك العافيه