صانع الثيمات مع الشرح كامل

[althani]

السلام عليكم

مساكم ورد ,,,

موضوعنا اليوم هو برنامج صانع الثيمات للبلاك بيري بجميع انواعه

يعني صمم ثيمك على مزاجك ولاتروح تدور ثيمات

الموضوع حصري لمنتديات روابي نجد ولانسمح بنقله الى منتدى اخر الابحقوقه

ورابط الموضوع


اولا نحمل البرنامج من موقع البلاك بيري وحجمه تقريبا 220 ميقا

من الرابط

من هنا توكل على الله واضغط


نصب البرنامج على جهازك ثم روح لقائمة ابدا >>كافه البرامج >> تلقاه اخر برنامج ثبته Plazmic CDK 4.7 for BlackBerry >> روح لاخر وحده Theme builder

واضغط عليها شوف الصورة




بعد ماتضغط

راح تفتح لك نافذه :

1- اكتب اسم الثيم

2- اختر نوع جهازك

3- طريقه العرض على الشاشه الرئيسية للايقونات

4- اضغط على انشاء craete
كما في الصورة




بعدما تضغط انشاء راح تفتح لك واجهه البرنامج

على اليمين : قائمة التعديل لانشاء الثيم

وعلى اليسار شاشة الجوال لترى التغييرات التي عملتها





طبعا الجهه اليمني رقمت لك الايقونات كل ماتضغط ايقونه سوا اللي تبي من تغيير خلفيه والوان وتغيير خطوط

وهذا شرح مكبر للقائمة المرقمه




الاولى للبنر اللي هو اعلى الشاشه مكان اسم الشبكه والساعه والتاريخ

عند الضغط على الاول البنر يفترض انك ماتغير فيه شئ وان غيرت شئ انتبه للارتفاع

ان خليته عدد رقم اقل من خمسين يطلع خطا لاجيت تحفظ موضح بالصورة الثالثه

والثاني للشاشه الرئيسية وشريط البرامج والايقونات اللي تحت من هنا غير ماتبي من خلفيات وخطوط واذا اخطيت في خلفيه وبترجعه للاساس اضغط على الكتابه بجنب الايقونه واختر الديفولت

وهكذا كماهو موضح بالصورة اعلاه




ضبط على كيفك

ثم في الاخير



لا خلصت من التعديل اشبك جوالك عن طريق اليو اس بي عشان نحفظ الثيم ونثبته

لاشبكت جوالك وفتح الميموري ادخل على مجلد بلاك بيري وانشئ مجلد اسمه themes اذا لم يكن موجودا

الجوال مشبوك الان والمجلد موجود طيب

نروح للبرنامج

من فوق ونضغط على Export كما في الصورة اعلاه

راح تفتح نافذه جديده فيها

1- اختر jad

2- اسم الثيم

3- نختار مسار المجلد اللي نحفظ فيه الثيم ( اللي انشاناه في الميموري داخل مجلد البلاك بيري )

4- نوع جهازك

5- الاصدار

6- انزل للاخير واختر ok موافق

كما في الصورة




الان اتركه لين مايخلص من الحفظ

وافصل جوالك وروح افتح الاستديو >> واضغط زر القائمه ( الاختيار ) واختر استكشاف

exploer

واختر ميديا كارد او بطاقه الذاكره >>> ثم افتح مجلد theme

راح تطلع ملفات كثير لكن فيه فوق find او ايجاد اكتب فيه jad

راح تطلع لك ملفات اختر اللي حفظته قبل شوي

بعد الضغط عليه تفتح نافذه اختر داونلود وراح يتثبت عندك

روح بعد كذا للاعدادات واختر الثيم المطلوب وشغله


انتهى الموضوع وسامحونا على القصور

لاتنسووون ان الموضوع خاص بمنتديات روابي نجد لا بد عن النقل من وضع رابط الموضوع الاصلي



في المرفقات اهداء ثيم بصورة الامير سعود الفيصل

افتح الضغط واسحب الملفات داخل مجلد theme الموجود في ذاكره جوالك

وثبته بنفس الطريقه


اخوكم بعيد الهقاوي


http://www.r99n.com/vb/showthread.php?p=145298


منقول

[mariam aljanabi]

جزااااااااااااك الله الف خير اخوووي
الصراحه ماقصرت ابد

وانا سويت معاك خطوه خطوه والثيم ضبط وكل شى تمام

بس عندي استفسااار...

اذا اريد احط الثيم علنت يعني ارفقه على موقع كيف اسوويه؟
ياريت انك تفيدني فهلشي

جزااااك الله الف خيييييييييييييير

[m7sen.93]

thx so much

[althani]

mariam aljanabi

تكفيني جزاك الله خير ,, والله يجزاك خير حتى انتي ,,

اختي نفترض انك عدلتي الثيم وضبطتيه

واخر خطوة اللي هي الحفظ

سوي لك مجلد على سطح المكتب مثلا وسميه اي شئ تبينه

بعد مانسوي الثيم نروح من فوق ونضغط على Export

تجي النافذه

اللي فيه اختاري مثل الاول jad

واكتبي الاسم للثيم

نجي للمسار >> بدل ماتحفظينه في الذاكره >> اختاري المجلد اللي سويتي على سطح المكتب

وبعده موافق

روحي للمجلد اللي على سطح المكتب وافتحيه تلقين ملفات كثيره

حدديها كلها بالماوس او كنترول ِِ+ A

اضغطي عليها بالزر الايمن واختاري اضافه للارشيف

اضغطيها يعني راح يكون الملف المضغوط داخل المجلد اسحبي الملف برا واحذفي الملفات الباقيه

وخلاص ارفعي للانترنت نت الملف المضغوط


ان مافهمتي ردي

[althani]

thx so much

العفو ,,,,,,